Грузовой машина- влакым тергат

                 Тачысе кече гыч 25-ше март марте республикыште автомобиль дене грузым шупшыктымым тергыме шотышто профилактике мероприятий- влак эртат. ГИБДД инспектор- влак грузым шупшыктымо годым  лӱдыкшыдымлыкым да аварий лиймым шижтараш манын тергымашым эртарат. Кугыжаныш автоинспекцийыште ушештарат: грузовой транспорт дене лийше аварийлаште еҥ- влак ӱмыр лугыч лийыт, ятырын эмганат. Тений идалык тӱҥалтыш гыч грузовик- влакын водительыштлан кӧра 6 еҥ ӱмыр лугыч лийын, 29 еҥ сусырген. Ик тыгай аварий 9-ше февральыште Данилово ялыште лийын. 32 ияш водитель ГАЗ-3009 машинам виктарышыла тӱҥ корно дене кудалше машиналан корным пуэн огыл. Тыге грузовик Фольксваген дене тӱкнен, тудыжо ГАЗ 32-21 автомашинаш миен керылтын. Тыге вич еҥ эмганен.
Фото: Марий Элысе ГИБДД