Профессионал пайрем дене саламлымаш
Кажне ийын мартын кумшо рушарнянже шке профессионал пайремыштым калыклан быт полышым пуышо да илыме вер ден коммунал озанлык пашаеҥ- влак палемдат. Марий Элым вуйлатыше Александр Евстифеев отрасльыште тыршыше- влакым профессионал пайремышт дене саламла. Элысе калыклан илыме йӧным саемдымаш ЖКХ аланыште тыршыше еҥ- влакын моштымашышт да ответственностьышт деч шога. Те пӱтынь илыме вер да коммунал озанлык комплекслан курылтде пашам ышташ йӧным ямдыледа, кече еда сай качестван полышым пуэда. Правительстве кудывечылам да тӱшка кундемлам тӱзландараш, инженер сеть-влакым уэмдаш да пужен ышташ, очистной сооружений- влакым чоҥаш кугу тӱткышым ойыра. Кодшо ийын 98 кудывече ден тӱшка кумдыкым тӱзландарыме. Тений эше 84 проектым шыҥдараш палемдыме. 20-шо ийыште Козьмодемьянск ден Марий Турек районышто очистной сооружений- влакым пашаш колтымо, тений Йошкар-Олаште тыгай паша шукталтеш. Пайрем кечын тендан пашаланда кугу таум каласыме шуэш. Поснак поро шомак- ветеран- влаклан. Чылалан пеҥгыде тазалыкым, порылыкым, чыла пашаште сеҥымашым тыланем. Тек тендан пашада эре кӱлешан лиеш, пагалымашым сула да куаным конда. Пиалан лийза, - ойлалтеш Республикым вуйлатышын саламлымашыштыже.