Пытартыш кечылаште Йошкар-Оласе уремлаште, поснак эрдене, транспорт коштмаште чарак шижалте

                 Пытартыш кечылаште Йошкар-Оласе уремлаште поснак эрдене транспорт коштмаште чарак шижалте, пробко- влак чумыргышт. Икмыняр уремым кужу жаплан петырыме дене кылдалтше йодышым Сомбатхейыште решатлаш тӱҥалыныт. Петров уремым петырымылан кӧра автомобилист- влакын ик тӱшкаже Воин-Интернационалист- влак уремыш, вара Царьград проспектыш кусненыт. Моло водительже Ленин проспект дене кудалыт. Игече дене кылдалтше амалжат скоростьым иземдаш йодеш. Пробкым кораҥдаш манын, кок светофорын настройкыжым вашталташ пунчалме. Тыге Петров урем ден Воин Интернационалист- влак уремысе корнывожышто, Ленин Проспект ден Карл Маркс урем корнывожышто вашталтыш лиеш. Ленин проспект ден Карл Маркс урем ушнымаште проспект дене ола рӱдыш пурымаште эрдене транспорт шуко коштмо годым ужар тул кужунрак йӱлаш тӱҥалеш. Апрель мучашлан Воскресенский проспект дене кудалме годым Царьград проспект дене ушнымаште шола велыш савырнаш ешартыш секцийым вераҥдат.