Эрла «Йошкар-Ола театральный» фестиваль почылтеш

                 Эрла «Йошкар-Ола театральный» фестиваль почылтеш да 27-ше март марте шуйна. Тушто тиде тургымысо эн сай премьера спектакль – влак ончыкталтыт. Фестиваль Эрик Сапаев лӱмеш опера да балет кугыжаныш академический театрыште «Бахчисарайский фонтан» балет дене почылтеш. Тыгак тушто курчак театр, Шкетан лӱмеш калыкле марий драма театр, Самырык театр, Курык марий драма театр шке пашаштым ончыктат. Оласе калык «Риголетто», «Снеговик-почтовик», «Куван кеҥеж», «Ший Пампалче» да моло спектакльым ончен кертеш. Фестиваль 27-ше мартыште Йыван Кырла лӱмеш калыкле театр премийым кучыктымаш дене мучашлалтеш.