Марий Элыште 11 тӱжем утла еҥын сар-куралым аралаш разрешенийже уло

                   Марий Элыште 11 тӱжем утла еҥын сар-куралым аралаш разрешенийже уло. Сар-куралым ужалкалыме дене кылдалтше осал пашам шижтараш манын, Росгвардий виктемын лицензий да разрешенийым пуымо паша рӱдерын сотрудникше- влак полицийын уполномоченныйже дене пырля «Граджанское оружие» оперативно-профилактик мероприятийым эртарат. Сотрудник- влак  оружийын улмыжым, тудым кузе аралымым, тудын да патронын могайрак улмыштым, аралыме жапым пудыртымым тергат, тидын дене кылдалтше правил- влакым умылтарат. Тачысе кечылан Марий Элыште 11 тӱжем утла еҥын сар-куралже уло. Нуно аралаш да пайдаланаш лицензийым налыныт.