Йошкар Книгаш пуртымо янлыкым кучаш ок лий
Марий Элыште прокуратура Йошкар Книгаш пуртымо янлыкым интернет гоч ужалымым пален налын. Медведево районын прокуратурыжо ныл интернет сайтым рашемден. Тушто вӱдкоман ийлыме коваштыжым ужалыме нерген уверым вераҥдыме. Нине янлыкым Российын Йошкар Книгашкыже пуртымо улыт. Районын прокуроржо судыш иск йодмашым колтен да нуным тӱрысо шуктымо. Суд тиде уверым интернетыште шараш чарымылан шотлен. Суд пунчалын вийым налмекыже, Роскомнадзорын регионысо виктемже нине сайтым петыраш доменный лӱм- влакын Единый реестрышкыже пурта.
