Республикыште эн кумдан шарлыше спорт- влакым рашемдыме

                     Республикысе спортлан ямдылыме рӱдер 2020-шо ийын лектышыже почеш, регионысо спорт- влакын пайдале улмыштым аклыме шотышто пашам мучашлен. Спорт федерацийлам вуйлатыше- влаклан 25 тӱрлӧ спорт дене документ- влак пакетым пуымо ыле. Аклыме годым кажныж дене спортсмен- влакын лектышыштым, спорт званийыштым але разрядыштым, Российын сборный командыштыже мыняр еҥ улмым шотыш налме. Олимпий, Паралимпий, Сурдлимпий программыш пурышо спорт дене участвоватлыше спортсмен- влакын лектышышт кок пачаш кугемдалтын. Тыге Марий Элыште эн пайдале кум спортыш спорт туризм, спорт кучедалмаш да куштылго атлетике пуреныт. Умбакыже иймаш, каратэ, байдарка да каноэ дене иймаш, ече дене таҥасымаш да молат улыт. Рейтингын мучаштыже смешанный боевой единоборство, триатлон да куштымо спорт верланеныт.