Ача-ава- влак ЕГЭ-м сдатлат

                 Марий Эл Правительстве председательын икымше алмаштышыже Михаил Васютин ден туныктыш министр Наталья Адамова ача-ава- влак дене пырля руш йылме дене ЕГЭ-м сдатлаш тӱҥалыт. 20-шо мартыште Йошкар-Оласе 28-ше номеран лицейыште «Ача-ава- влакын ЕГЭ-м сдатлыме единый кече» Россий кӱкшытан акций эрта. Тушто шинчымашыштым 10-шо-11-ше класслаште тунемше- влакын ача-авашт тергат. Тений нунылан ЕГЭ-н кӱчыкемдыме вариантшым темлат, но тудо тӱрлӧ заданий нерген умылымашым пуа. Ача-ава- влак деч посна пробный экзаменым журналист- влакат кучен кертыт.