Рӱдӧ оласе прохоров уремыште теплосетьым олмыктат
«Т Плюс» Йошкар-Оласе Прохоров уремыште теплосетьым пужен ышта. Тиде пашалан «Т Плюсын» Марий Элысе да Чувашийысе филиалже 100 миллион утла теҥге оксам колта. Компаний Строитель деч Зелёный урем марте тӱжемат 600 метр пучым вашталта, моло кӱлешан технический мероприятийым шукта. Проект кум йыжыҥ дене 2021-ше 2023-шо ийлаште шукталтеш. Тений паша майыште тӱҥалшаш. Чоҥымо да монтаж паша шокшо вӱдым ситарыме пашалан изиш чаракым ышта. Тиде кундемыште илыше- влаклан шокшо вӱдым жаплан ыштыме схеме дене пуат.
