Шикш нерген шижтарыше оборудованийым вераҥдат
Шернур районышто шикш нерген шижтарыше оборудованийым вераҥдаш тӱҥалме. Автономно пашам ыштыше извещатель- влак риск группыш пурышо калыкын илыме пӧлемыштышт шындалтеш. Тиде пашам «Шернурводоканал» МУП-ын специалистше- влак район администрацийын да калыкым социал обслуживатлыше рӱдерын еҥышт дене пырля шуктат. Районын бюджетыштыже извещательым налаш лӱмын оксам палемдыме. Шуко шочшан нужнарак илыше еш-влакын илыме верыштышт извещательым пожар лӱдыкшым иземдаш манын вераҥдалтеш.
