Социально лӱдыкшӧ верыште улшо ийготыш шудымо - влаклан «Наша инициатива» игрофикаций рӱдерым почмо

                   Таче социально лӱдыкшӧ верыште улшо ийготыш шудымо да воктенышт улшо- влаклан «Наша инициатива» игрофикаций инфраструктурный ресурс рӱдерым торжественно почмо. Тушто Марий Эл Правительство председательын икымше алмаштышыже Михаил Васютин лийын. Тиде рӱдер президент грантын фондшын поддержатлыме «Компетенций- влакын  академийже- сай ончыкылыкыш корно» социал кӱлешан проект кышкарыште почылтын. Грантын тематикыже тыгай лийын: йоча да самырык- влакын начар койышыштым шижтарымаш, лӱдыкшӧ положенийыште улшо ийготыш шудымо- влакым сай илышыш пӧртылтымаш. Рӱдер йоча- влакын усталык куатыштым, таҥастарен шонен моштымашыштым, команде верч да шкалан шке ответственностьым налын моштымашым вияҥдаш полшаш тӱҥалеш. Тудо Петров уремысе 18-ше номеран пӧртыштӧ верлана.