Поэзийын Тӱнямбал кечыже

                Поэзий кечын Йошкар-Олаште усталык таҥасымаш лиеш. Поэзий касыште шке лудаш але лудшо- влакым колышташ лиеш. Тиде кечын почеламутым да семым йӧратыше- влакым сӱрет галерейыш ӱжыт. Мероприятий «Поволжский треугольник» арт-проект кышкарыште эрта. Мийыше- влакым у книга дене палдарымаш, Сылнымут кучедалмаш, «Классикым лудына» яра микрофон, Татьяна Емельянован группыжын выступленийже вуча. Позий кас 16 шагатлан тӱҥалеш. Тудым Сергей Федонин ден Сергей Щеглов вӱдат.