ГИБДД-н сотрудникше- влак калык да машинан шуко коштмо корнывожлаште дежуритлат
Йошкар-Олаште ГИБДД-н сотрудникше- влак калык да машинан шуко коштмо корнывожлаште дежуритлат. Ола кундемыште «Перекрёсток» оперативно- профилактик мероприятий эрта. Тудо ДТП-м шагалемдаш да тудым шижтараш виктаралтын. Тений идалык тӱҥалтыш гыч рӱдӧ олаште 30 ваштӱкнымаш лийын. Тушто 80 наре еҥ тӱрлӧ семын эмганен. Кодшо ийысе тыгаяк жап дене таҥастарымаште тыгай ДТП кок пачаш утла ешаралтын. Кызыт ГИБДД пашаеҥ- влак корнывожышто светофорын йошкар тулыштыжо кудалме, стоп-линий гоч вончымым, перекрёсткым эртыме правилым пудыртымым, йолешкылан корным пуыдымым эскерат.