Республикысе техникумлаште мастерской- влак ышталтыт
Республикысе техникумлаште промышленный да инженер технологий корно дене мастерской- влак ышталтыт. 2020-шо ийыште мастерской негызеш «Бизнеслан Ай-Ти решений- влак» компетенций дене коронавируслан кӧра эҥгекыш логалше- влакым туныкташ йӧным ыштыме. Тиде мастерскойым «Самырык профессионал- влак» федерал проект кышкарыште почмо. Проект у, кызытсе жаплан келшыше мастерской ден лабораторий- влакым ышташ йодеш. 2019-ше ийыште Йошкар-Оласе технологий колледжыште «Увер да коммуникаций технологий- влак» корно дене вич мастерскойым ыштыме, тынарымак Йошкар-Оласе медицина колледжыште «Социал сфера» корно дене ямдылыме. Тений тыгай мастерской- влак Марий радиомеханический техникумышто почылтшаш улыт. Ончыкыжым «Токарь паша», «Промышленный механика да монтаж», «Фрезер паша», «Инженер дизайн» корно дене мастерской- влакым почаш палемдыме.