Йошкар-Олаште корным олмыктымо тургым тӱҥалын манаш лиеш
Йошкар-Олаште корным олмыктымо тургым тӱҥалын манаш лиеш. Эртыше йӱдым «Город» МУП-ын пашаеҥже- влак корнысо лаке- влакым велыктыман асфальт вартыш дене тӧрлаш тӱҥалыныт. Пашам Кокшайск корнышто, Киров уремыште, Тӱҥ кӱварыште да Свердлов урем гоч йолын вончымо верыште шуктымо. Велыктыман технологий южын температурыжо 0 деч ӱлнӧ улмо годым кучылталтеш. Вартышын температурыжо 230 градусыш шуэш, сандене лакым вашке кошта да кӱлеш семын пеҥгыдем шинчеш. Олмыктымо пашам умбакыже шуйымо лиеш.
Фото: Йошкар-Олан администрацийже
Фото: Йошкар-Олан администрацийже
