Пенсий ийготыш шуде, погынышо оксам налаш лиеш

                   Республикыштына тӱжемат 800 утла еҥ пенсийлан чумырымо оксажым пенсий ийготыш шуде налеш. Ӱдырамаш- влак 55 ийым, пӧръеҥ- влак 60 ийым темымеке, Пенсийын накопительный ужашыжым налаш йодмашым возаш да пайдаланаш тӱҥалаш праван улыт. Тиде оксам кӧ налеш?- кӧн пенсий накопленийже уло, тений марте 12 ий стажше да пенсий коэффициентше 21-ыш шуын. 2015-ше ий мучаш марте пенсий кугытым чумыраш келшыме гын, Накопительный пенсий 1967-ше ийыште шочшо да самырыкырак- влакын чумырген кертеш. 2002-шо 2004-ше ийлаште накопительный пенсийлан страховой взносым тӱлышӧ 1953-шо-1966 ийлаште шочшо пӧръеҥ да 1957-ше 1966-шо ийлаште шочшо ӱдырамаш- влакын пенсий накопленийышт уло. 2005-ше ий гыч законодательствыште вашталтыш лиймылан кӧра, тиде тиде оксам колтымаш чарнен. 1966-шо ийыште шочшо да кугурак- влакын шке кумылын тӱлымӧ взнос кӱшеш гына пенсий накопленийышт чумырга. Тичмаш уверым пенсий фондышто налаш лиеш.