Ковид деч вакцинаций умбакыже шуйна

                 Республикыштына 20 тӱжем утла еҥлан коронавирус инфекций деч прививкым ыштыме. Тидын нерген Марий Эл Правительствын заседанийыштыже Республикым вуйлатыше Александр Евстифеевлан тазалыкралтыш министр Марина Панькова увертарен. Вакцинацийым 18 ийым темыше кажне еҥ эртен кертеш. Прививкым ыштыкташ мӧҥгӧ гыч лекде, поликлиникыште, «шокшо линий» телефон дене, Кугыжаныш полыш единый портал гоч возалташ лиеш. Тидын годым келшыше кечым, жапым ойырен налаш лиеш. Республикыштына прививке деч вара осложненийым рашемдыме огыл. Вакцинацийым эртыше- влак кокла гыч 48 утла процентше 60 ияш деч кугурак- влак улыт. Министрын мутшо почеш, республикыш Гам-КОВИД-Вак вакцинын 21 тӱжемат 792 дозыжо  толын. Тылзе мучаш марте эше лу тӱжемат 300 дозым кондышаш улыт.