Кырык сирыште федерал трассыш лекме корным олмыктат

                     Курык марий районышто Козьмодемьянск- Кугу Сундырь корным норматив марте олмыктен шуктышаш улыт. Паша «Лӱдыкшыдымӧ да сай качестван автомобиль корно- влак» калыкле проект кышкарыште шукталтеш. Тиде корно Чуваш республике гоч М-7 федерал трассыш лекташ йӧным пуа. 2019-ше 2020-шо ийлаште корнын 6 меҥге кужытшым олмыктымо ыле. Тиддеч посна районышто калыкле проектлан кӧра «Емешево- Пайскырык-Засурье» корнын 10 меҥге кужытшым, «Картук- Микрак- Васильсурск» корнын 8 меҥге утла кужытшым олмыктымо. Тений «Емешево- Пайскырык- Засурье» корнышто 12 уштышым олмыкташ палемдыме. Аукцион почеш тиде корным ачалаш «Элитстрой» чоҥышо организаций правам сеҥен налын. Кызыт 2022-шо ийлан олмыктымо пашам шукташ проект да смете документаций ямдылалтеш.