Паша деч посна кодшо- влакым пашаш налаш кумылаҥдат

                 Паша деч посна кодшо- влакым пашаш налмылан пашам пуышо- влаклан сайын тӱлат. Премьер- министр Михаил Мишустинын мутшо почеш, пашам пуышо компаний- влаклан Правительстве субсидийым ойыра. Российын президентше задачым шынден: идалык мучаш марте занятость пандемий тӱҥалме деч ончычсо кӱкшытыштак лийшаш. Тидлан пашаш налме у инструмент шыҥдаралтеш. Компаний да посна амалкалче- влак тений икымше январьлан занятость рӱдерыште пашадыме семын учётышто шогышо- влакым пашаш налыт гын, кугыжаныш деч субсидийым налын кертыт. Тиде кум эн изи пашадар кугыт окса- 12 тӱжемат 792 теҥге дене кажне у пашаеҥлан. Тиде полыш кум йыжыҥ дене пуалтеш: у сотрудник икте, кумыт да куд тылзым пашам ыштымыж деч вара. Тиде у мерылан кӧра 220 тӱжем еҥ пашаш пурен, шке илышыжым саемден кертеш. Федерал бюджетыште тений тиде пашалан 12 миллиард теҥгем палемдыме.
Фото: medialeaks.ru