Корта ял деч Куяр посёлко марте корно чапле лиеш
Шушаш ийын шыжылан Корта ял деч Куяр посёлко марте корным олмыкташ палемдыме. Тиде корнын ныл меҥге кужытшым ачален шындыман. Заказчикше -«Марийскавтодор» предприятий. Электрон аукцион таче эртышаш ыле. Тудын дене келшышын тӱҥалтыш акше 74 миллион утла теҥге. Тушто корно полотном тӧрлаш, тӱржым тыгыде кӱ дене пеҥгыдемдаш, асфальтым вашталташ, автобус чарналтыш- влакым олмыкташ палемдыме. Чыла пашам шушаш ийын 2-шо сентябрьлан шуктыман.