Курык марий кундемыште газ дене утларак калык пайдалана

                   «Газпром газораспределение Йошкар-Ола» организаций Курык марий районыш газым пуртымо пашам умбакыже шуя. Тудын специалистше- влак Лапсола, Исуткансола, Пынгель Усола, Пынгельмычаш, Порандай яллаште кӧргӧ газ пучым да оборудованийым вераҥдылыт. Посёлко кокласе 17 уштышат пеле кужытан газпучым кодшо ийын шупшмо ыле. Аматисола, Пынгель Парнингаш, Пынгель Кугилансола, Макарсир, Цигансола, Сивикасола ден Шыргыдыр выселкылаште илыше 200 утла сурт канде тул дене пайдаланаш тӱҥалын. Кызыт изи куатан кум меҥге кужыт газ пучым ыштышаш улыт. Тудо 50 суртыш газым конда. Тыге идалык мучаш марте районым газифицироватлыме кӱкшыт 85 процентыш шуэш, - ойла «Газпром газораспределение Йошкар-Ола» предприятийын исполнительный директоржын алмаштышыже Игорь Ганичев.