Марий Элым вуйлатышын призше верч дзюдо дене Россий кӱкшытан таҥасымаш- влак лийыт

                    Марий Элым вуйлатышын призше верч пӧръеҥ- влак коклаште дзюдо дене Россий кӱкшытан таҥасымаш- влак лийыт. Тудо Медведевысе «Витязь» физкультура да тазалыкым пеҥгыдемдыме комплексыште 27-ше мартыште  эрта. Мероприятий 2018-ше ий годсек эртаралтеш. Таҥасымашке 18 ийым темыше, икымше деч изи огыл спорт разрядан спортсмен- влак пурталтыт. Тушко Российысе 25 субъект гыч толаш лийыныт. Сеҥыше- влак грамот, кубок, медаль, шергакан пӧлек дене палемдалтыт. Тыгак «Сеҥаш тыршымашлан», «Эн сай техникылан», «Эн сай судьялан» номинацийлаште приз- влак лийыт. Икымше верым налше сеҥыше- влак спорт классификацийын норматившым шуктат гын, «Российын спорт мастерже» званийлан правам налыт. Таҥасымаш 10 шагатлан почылтеш.