Марий Элыш ГИТИС-ын ректоржо толын

                        Александр Евстифеев Театр Искусствын Кугыжаныш институтшын ректоржо Григорий Заславский дене пашаче вашлиймашым эртарен. Российысе палыме театр критик Марий Элыш кум кечаш визит дене «Йошкар-Ола театральный» фестивальыште участвоватлаш, театр пашаеҥ, театр вуйлатыше да студент- влак дене вашлияш толын. Марий Элым вуйлатыше палемден: республикыште ятыр театр тӧнеж уло: драма, опера, балет, курчак спектакль- влакым ончаш йӧн уло. Поснак тудо йоча- влакын театр кружоклаште участвоватлымышт нерген ойлен да палемден: Пӱтынь марий йоча хорыш 600 ӱдыр-рвезе коштеш. Тендан толмыда- республикылан чап. ГИТИС Европысо да Тӱнямбалсе ик кугу вуз. Мемнан актёр- влаклан тушто тунемаш йӧным ыштымаш- тидат сай паша.- манын тудо. Григорий Заславският театр сымыктыш деке тӱткышым ойырымылан тауштен ойлен. Вашлиймашыште тыгак драма театрын актёржо- влакым туныктымо да «Театроведений» корно дене туныктымо пашам виктарыме нерген ойленыт. Марий Эл дене кылым кучымаш кӱлешан,- каласен ректор. ГИТИС-ыште марий ӱдыр-рвезе- влак тунемыныт, тиде пашам умбакыже шуйыман. Александр Евстифеевын мутшо почеш, Республикын правительствыже тӱвыра аланлан кугу тӱткышым ойыра. 2019-ше ий годсек «Тӱвыра» калыкле проект шыҥдаралтеш. Тудо отрасльын материально-технический базыжым пеҥгыдемдаш, тӱвыра тӧнеж- влакым чоҥаш, пужен ышташ, капитально олмыкташ йӧным пуа.