Игорь Комаров Юл кундем округысо регионлам вуйлатыше- влак дене совещанийым эртарен

                   Игорь Комаров Юл кундем округысо регионлам вуйлатыше- влак дене совещанийым эртарен. Марий Элым вуйлатыше Россий президентын Юл кундем федерал округысо полномочный представительже Игорь Комаровын видеоконференцкыл йӧн дене эртарыме совещанийыште участвоватлен. Тушто единый йӱклымӧ кечылан ямдылалтме, регионысо самырык- влак политикым да калыкле проектлам шыҥдарыме, школышто йоча- влакым пукшымо йодыш- влакым каҥашыме. Поснак кугу тӱткышым полпред Ковид дене кылдалтше йодышлан ойырен. Округышто тудо 47 процентлан иземын, койко фондым 46 процентлан шагалемдыме. Калыклан тӱшка вакцинацийм ыштыме йодыш ончылно лийшаш манын палемдыме, тудым регионлаште утларак ыштыман. Марий Элыште пандемий тӱҥалме годсек 12 тӱжемат 366 еҥлан Ковид диагнозым шындыме. Кызыт кече еда кокла шот дене 26 черланышым рашемдат. Декабрьыште тӱжемат 494 койко лийын гын, кызыт 505-ым кодымо. Кум медицине тӧнеж ончычсо семынак пашам ышташ тӱҥалын. 2019-ше 2020-шо ийыште 11 корно дене 53 региональный проект шыҥдаралтын. Тыге 39 социал объектым пашаш колтымо. Кодшо ийын 23 объектым чоҥымо, 219 кудывече ден тӱшка кумдыкым тӱзландарыме, 12 тӱжем квадрат метр тошто пӧртым кораҥдыме, 277 меҥге автомобиль корным олмыктымо але пужен ыштыме, ялысе 7 тӱвыра пӧртым капитально олмыктымо, 158 медицина оборудованийым налме. Тений 21 объектым ыштен шукташ палемдыме.