Эрла «Театрыште йӱд» акций лиеш

                  Эрла, 26-шо мартыште, Константинов лӱмеш Руш академический драма театрыште «Театрыште йӱд» акций лиеш. Тӱвыра кас 18 шагатлан «Мыйым ит кудалте» спектакль дене тӱҥалеш. Тиддеч вара ончаш толшо- влакым «МАСКЕрад» перфоманс, фотозона, изирак концерт, театр мучко экскурсий, актёр- влак дене вашлиймаш вуча. Тиддеч посна «Леди Макбет Мценского уезда» спектакльын репетицийжым ончаш лиеш. Акцийышке «Масочный билет» дене пуртат. Тыглай медицина маске театрын атрибутышкыжо савырна. Мероприятий 22 шагат марте шуйна.