Спорт дене кылдалтше шарнымашан окса- влакым ончаш лиеш

                   Спорт тоштерыште шарнымашан монета-влакын фотосӱретыштым ончыктышо выставке почылтеш. Эрла Спорт тоштерыште россий спортын историйжылан пӧлеклалтше «Чап монета» фото ончер почылтеш. Спорт событийым ончыктышо икымше окса- влакым 1980-шо ийыште Москошто эртыше Олимпиадылан лукмо. Тиддеч вара тиде паша поро йӱлаш савырнен. Тудо жап гыч кокшӱдӧ наре спорт оксам лукмо. Калыкле банкын пӧлкажым виктарыше Александр Волковын мутшо почеш, «Марий Эл» ий полатыште верланыше спорт тоштерыште 14 шагатлан почылтшо выставкыште эн оҥай окса- влакын фотосӱретышт ончыкталтеш. Мийыше- влак сӱретын чыла ойыртемжым раш да радамлен ончен кертыт. Ончер 27-ше апрель марте пашам ышта.