Ик шагат тул деч посна шинчаш темлат

                   Шушаш шуматкечын, 27-ше мартыште мемнан Мланде шарыштына пычкемыш лиеш. Республикыштына «Мландын шагатше» экологий акций эрта. Тудым Ир пӱртӱсын Тӱнямбал фондшо эртара. Акций ик шагатлан чыла электроприборым да тулым йӧрташ ӱжеш. Тидыже климат вашталтме проблеме деке тӱткышым виктарымаш лиеш. Икымше гана тиде мероприятийым 2007-ше ийыште эртарыме. А 2009-ше ийлан тудо эн кумдан шарлыше акцийыш савырнен да миллиард дене еҥ- влакым уша. Республикысе пӱртӱс поянлык министерстве тиде акцийыш чылам ушнаш ӱжеш. Акций 20 шагатат 30 минут гыч 21 шагатат 30 минут марте эртаралтеш. Тиде жапыште тулым йӧрташ темлат.
Фото:  hozyain.by