Кӱсле дене кӧ эн сайын шокта?

              Республикыштына кӱсле дене эн сайын шоктышо- влакым рашемденыт. «Кӓршӹн кӹлвлӓ курымвлӓм ушат» кӱслезе конкурс эртен. Тушко Йошкар-Ола, Козьмодемьянск, Курык марий ден Звенигово районла да Чебоксар ден Угарман гыч коллектив- влак ушеныт. Тений конкурс Курык марий районын 100 ияш да кӱслезе- влакын  «Шыжарвлӓ»    образцовый ансамбльышт, Российысе калык усталыкын сулло коллектившын 40 ияш лӱмгечыжлан пӧлеклалтын. Пандемийлан кӧра усталык таҥасымашым онлайн формат дене эртарыме. 13-15 ияш йоча- влакын ансамбльышт коклаште икымше верым Марий Элысе калыкле президент сымыктыш школын «Кӱсле»  ансмабльже ден Чебоксар гыч «Барыня» ансамбль налыныт. 16 ияш деч кугурак- влак коклаште сеҥымашым Угарман гыч «Йӱла семын йоҥыж» проект да Йоласал гыч «Шыжарвлӓ» ансамбль пайленыт. Солист- влак коклаште икымше верым  президент школ гыч Ксения Лукьянова, Вероника Соколова ден Ксения Секретова налыныт.
Фото:  yoshkarola.bezformata.com