«Йӱдвел пайремыште»- той медаль
Марий Эл гыч ечызе Станислав Егоров «Йӱдвел пайремын» той медальжым сеҥен налын. Республикысе сборный командын спортсменже 10 меҥгыш таҥасымаште кумшо верыш лектын. Мурманскысе «Долина уюта» спорт комплексыште «Йӱдвелын Пайремже» Россий кӱкшытан йӱлаш савырныше таҥасымаште ече дене пӧръеҥ- влакат, ӱдырамаш –шамычат 10 меҥгыш куржыныт. Дмитрий Чекулаев 92 спортсмен коклаште 10-шо верым налын.