Марий куштымаш арня тӱҥалеш
Республикыштына Марий куштымаш арня эрта. Калык усталык рӱдер 8-ше гыч 15-ше сентябрь марте тыгай акцийым эртара. Акций Тамара Дмитриева лӱмеш Регион- влак кокласе кӱкшытан «Тывырдык» марий куштымаш фестивальлан ямдылалтме кышкарыште лиеш. Фестивальже шушаш ийын шыжым эртышаш. Акцийыш ушнашлан куштымашым видеош войзаш да социал вотышто шке пырдыжыш «Марий куштымаш арня» хэштег дене пижыкташ кӱлеш. Акций деч вара эн оҥай выступлений- влак диплом дене палемдалтыт. Йодышым калык усталык пӧлкаште 42-54-75 номеран телефон дене рашемдаш лиеш.