Автоклуб Куженер районыш толын

                    Кусныл коштшо тӱвыра рӱдер Куженер район марте миен шуын. Эше ик район, тиде гана Куженер, «Тӱвыра» калыкле проект кышкарыште автоклубым налын. Кодшо арнян рӱдӧ клуб системын пашаеҥже- влак кужун вучымо куснылшо тӱвыра рӱдерым кинде-шинчал дене вашлийыныт. Тудын полшымо дене артист- влак кеч-могай площадкыштат мероприятийым эртарен кертыт. Тушто кӱлешан оборудований уло. Автоклуб кинозал семынат, концерт сцена семынат ыштен кертеш. Тений калыкле проект почеш автоклубым Марий Эл, Хакасий, Пенза, Волгоград, Владимир, Курск, Липецк область- влак налыт. А республикыштына тыгай рӱдерым Оршанке, Параньга, Волжский, Килемар район- влак налыныт.