Марий Элын делегацийже тӱнямбал спорт форумышто лийын

               Марий Элын делегацийже Озаҥ олаште «Россий спорт кучем» 9-ше тӱнямбал спорт форумышто участвоватлен. Форум 8-ше гыч 10-шо сентябрь марте пашам ыштен. Тудым Российын спорт министерствыже ден Татарстанын Правительствыже ямдыленыт. Тиде форум тӱрлӧ ийлаште ятыр кундемыште эртаралтын: Москошто, Саранскыште, Якутскышто, Чебоксарыште, Ульяновскышто, Угарманыште да Владимир областьыште. Тӱҥ площадкыже «Казань Экспо» тӱнямбал выставке рӱдер лийын. Тушто федерал кучем органын, Российысе кундемлан вуйлатышышт, тӱнямбал да российысе спорт федерацийлан вуйын шогышо- влак, бизнес-структурын еҥышт, лӱмлӧ спортсмен- влак лийыныт. Марий Элын делегацийже «Спорт-2030. Ӱшанлын вияҥме корно» пленарный заседанийыште, йыргешке ӱстел йыр  мутланымаште да ӱчашымашлаште участвоватлен.