Вакцинаций рӱдер умбакыже пашам ышташ тӱҥалеш

             Марий Элым вуйлатыше вакцинаций рӱдерын пашажым 30-шо ноябрь марте шуен. Александр Евстифеев Сеҥымашын 30-шо идалыкше лӱмеш тӱвыра полат негызеш пашам ыштыше вакцинаций рӱдерлан умбакыже ышташ оксам ойырен- кок миллионат 100 тӱжем теҥгем. Тымарте республикыште Ковид деч вакцинын икымше компонентшым 174 тӱжемат 200 утла еҥ ыштыктен. Тыге планым 55 процентлан темыме. Республикым вуйлатыше ик гана веле огыл ушештарен: вакцинаций тӱшка иммунитетым ышташ да черланыме годым черлан куштылгын эрташ йӧным пуа.