Параньга район вияҥмаште сай лектышым ончыкта

            Параньга районым социал- экономик велым вияҥдыме тӱҥ задаче- влак сай кӱкшытыштӧ шукталтыт. Марий Элым вуйлатыше Александр Евстифеев Параньга район администрацийым вуйлатыше Альфит Ибраев дене пашаче вашлиймашым эртарен. Нуно районым вияҥдыме лектыш да ончыкылык нерген мутланеныт. Республикым вуйлатыше районын чаткан пашам ыштымыжым палемден. Районым вуйлатыше  шушаш йӱштӧ жаплан ямде улмо нерген увертарен да тиде корно дене ончыкылык паша- влак нерген каласен. Ныл ялым ушышо ик  ял илем гына  газ деч посна кодын. Шушаш ийын тушто проект паша тӱҥалеш. 2023-шо ийлан районыш газым пуртен пытарена манын тудо. Кызыт Элнет школ гына  мландешӱйым кучылтеш. Пачер- влакым газыш кусарыме прогорамме пашам ышта, 470 пачерым газ деке ушымо. Посна пӧрт- влакат чоҥалтыт. Ныл ийыште 97 пӧртым чоҥымо. Самырык еш да тулык йоча- влак илыме верлан сертификатым налыныт. Ныл ийыште районыш ик миоллиардат пеле теҥге инвестицийым кондымо. Тушеч 700 миллионжым корным олмыкташ колтымо. Ял озанлыкыште тенийсе икымше пелийыште кум миллардат 900 миллион теҥгеаш сатум лукмо. Ныл ийыште сатум лукмаш иктат пеле гана кушкын. Кокла пашадар 26 тӱжем теҥгеш шуэш. 
Эльпанур школым чоҥымо дене тошто школ йодыш кораҥдалтын. Шушаш ийлан Матародо, Мераҥсола да Пӧртанур школлам олмыкташ документаций ямдылалтеш, Элнет ялыште черкым ачалат. Александр Евстифеев ушештарен: районым вияҥдыме шотышто пашам луштараш ок лий, эше кугурак сеҥымашке шуаш тыршыман.