Таче финансистын кечыже палемдалтеш

                   Лач тачысе кечын, 1802-шо ий, 8-ше сентябрьыште, император Александр Первый шке манифестше дене Российыште Финанс Министерствым ыштен. Тудо жап гыч финанс органлаште тыршыше- влакым тиде кечын саламлат. Республикым вуйлатыше Александр Евстифеев Марий Элысе финанс органлаште тыршыше да тудын ветеранже- влакым профессионал пайремышт дене саламла. Финансист- оҥай да усталык профессий. Тиде сферыште тыршыше- влак финанс да бюджет политикым ыштымаште стратегически кӱлешан сомылым шуктат. Чатка решений, грамотно планироватлыме да бюджет оксам шотлен шеледыме деч регионысо кажне отрасльын да калыкын социал илышыже шога. Тек тендан профессионал да паша усталыкда Республикысе правительствын шындыме задаче ден программе-влакым шыҥдараш йӧным ыштат, -  ойлалтеш республикым вуйлатышын саламлымашыштыже.