Пашазе- влакын спартакиадыштышт Марий Элын командыже сай лектышым ончыкта

              Пашазе- влак коклаште Россий кӱкшытан 6-шо спартакиадыште Марий Элын командыже призовой вер- влакым налеш. Таҥасымаш- влак 6-шо гыч 10-шо сентябрь марте Калуга олаште эртат. Икымше таҥасыме кечын турист чарак полосаште Ямоловмыт еш икымше верым сеҥен налын. Кира спортышто Андрей Смоленцев 68 килограмм марте нелытан- влак коклаште кумшо верыш лектын. Мини-футбол дене мемнан команда шке группыштыжо икымше верыште улеш. Спортын моло видше дене таҥасымаш- влак умбакыже шуйнат. Ушештарена: таҥасымаште республикын чапшым Марий Машиностроитель заводын да «Акашево» сурт-кайык фабрикын пашазыже- влак аралат.