Вашке уремыш у троллейбус- влак лектыт
Йошкар-Олаш у троллейбус- влакым конденыт, - увертарат социал сеть дене пайдаланыше- влак. Нуным лизинг почеш налме, но маршрутыш эше лектын огытыл. Транспортым Беларусьысо завод гыч вигак кондымо. Ушештарена: кеҥежым увертарыме ыле: сентябрьыште 10 у машинам кондышаш улыт. Нуно кондиционеран, видеокамеран, уверым йоҥгалтарыме йӧнан да моло оборудованиян улыт. Нунын акшым шуаш ий гыч тӱлаш тӱҥалыт.
Фотом социал вот гыч налме.
Фотом социал вот гыч налме.