Шушаш ийын Йошкар-Оласе уремлам кӧ олмыкташ тӱҥалеш?

             Шушаш ийын Йошкар-Оласе уремлам кӧ олмыкташ тӱҥалеш? Электрон аукцион- влакын лектышыштым иктешлыме. Мутлан, Анциферов уремын Дружба деч Йошкар Армий урем марте ужашыжым «Тиса» иземдыме ответственностян ушем ачала. Контрактын акше 12 миллион утла теҥге. Тиде компанийынак специалистышт Осипенко уремын Йошкар Армий деч Кремль урем марте ужашыштыже пашам ыштат. Акше кум миллионат 200 тӱжем утла теҥге. «Тиса» эше ик аукционышто сеҥышыш лектын. Тудо Чехов уремын Вознесенский деч Осипенко урем марте ужашыжымы олмыкта. Контрактым 18 миллионат 200 тӱжем утла теҥгелан пеҥгыдемдыме. Кодшо кеҥежым тиде организаций Эшкинин, Суворов да Лебедев уремлаште пашам ыштен.
             Вес ийын олмыктымо пашаште тыгак «Медведево агродорстрой» акционер ушем тыршаш тӱҥалеш. Тудо Кремль уремын Первомай деч Осипенко урем марте ужашыжым 14 миллион утла теҥгелан олмыкта. Тыгак Герцен уремын Панфилов деч Суворов урем марте ужашым олмыкташ 11 миллион утла теҥгелан ойпидышым кылден.