Чыла школым эше олмыктен пытарыме огыл
Марий Элысе лу школышто капитально олмыктымо пашам октябрь мучашлан пытарышаш улыт. Социал вотлаште олмыктен шуктыдымо нерген йодыш кумдан каҥашалтын. Йоча- влак кузе тунемаш тӱҥалыт?- тиде йодышым эн чӱчкыдын пуэныт. Регионым виктарыме рӱдерын пашаеҥже- влак «Инцидент менеджмент» системым шымлышыла йодыш- влакым туныктыш министерствыш виктарен. Тушто тыге ойлат: олмыктымо паша кая гынат, нине школышто тунемме ий шке радамже дене тӱҥалын. Тунемаш чыла йӧн ышталтеш, ача-ава- влак дене погынымашым эртарыме. Нуно йодышым умылен вашлийыныт,- каласен туныктыш министр Наталья Адамова. Туныктымаш кум формат дене кая: молгунамсе семынак, но вес организаций негызеш, дистанций формым кучылтын да ончный ден дистанций форматым ваш ушен. Республикыштына идалык мучко 27 школышто капитально олмыктымо паша шукталтын. План почеш сентябрь мучашлан Политехнический лицей- интернатыште, Ургаш посёлкысо лицей- интернатыште, Нурӱмбал, Куженер, Оршанке да Советский посёлкысо кокымшо номеран школышто олмыктен шуктышаш улыт. Октябрь мучашлан У Торъял школ- интернат, У Торъялысе икымше школ, Йошкар-Оласе икымше да Карлыган школ олмыктымо пашам мучашлаш палемденыт.