Таче Андрей Эшпай лӱмеш опера сымыктыш фестиваль почылтеш

               Таче мемнан республикысе сылнысем тӱняште кӱлашан кугу событий- Андрей Эшпай лӱмеш опера сымыктыш фестиваль почылтеш. Марий Элым вуйлатыше Александр Евстифеев фестивальын участникше дене унаже-влакым тиде тат дене саламла. Эрик Сапаев лӱмеш Марий Кугыжаныш академический опера да балет театрыште классически мурымо сымыктыш- тиде кӱкшӧ мастарлык, чапле йӱк, уста артист, сылне деч сылне постановко- влак. Икымше фестиваль пеш кугу кӱкшытым палемден: Москосо вӱдышӧ театр- влакын солистышт марий артист- влак дене тӱнямбал опера реперутарлаште пырля муат. Владимир Мороз, Сергей Семишкур, Ахмед Агади, Анджей Белецкий, Светлана Москаленко, Илья Селиванов, Мария Пахарь, Николай Ерохин- тӱнямбал кӱкшытыштӧ чапланыше мурызо-влак шке талантыштым марий ончышылан ончыктат. Лӱмлӧ классик произведений- влак дене пырля фестивальын репертуарышкыже Марий Элысе сымыктышыште кӱлешан премьера- Эллина Архипован «Чумбылат Могучий» оперыжым пуртымо. Композитор Андрей Эшпайын лӱмжым тиде фестиваль дене кылдымашат моткоч кӱлешан. Андрей Яковлевич тыге возен: «Семын сылне тӱняже петыралтын, ойыралтын огыл, а Илыш лӱмым нумалше сандалыкын ужашыже улеш». Шке сылнысемжым композитор ӱмыржӧ мучко калыклан пӧлеклен». Фестивальлан – сеҥымаш- влакым!» - ойлалтеш республикым вуйлатышын саламлымашыштыже.