Троллейбус транспорт предприятий кызыт йол ӱмбалне пеҥгыдын шога
Йошкар-Олаште троллейбус транспорт предприятийым умбакыже вияҥдат. Теҥгече Марий Элым вуйлатыше Александр Евстифеев олан мэрже Евгений Маслов дене вашлиймашым эртарен. Нуно олтымо тургым лишемме, «Троллейбус транспорт» предприятийын пашажым саемдыме, подвижной составым уэмдыме нерген ойленыт. Пакча тургым мучашыш лишемеш, транспорт тушко шагалрак да шагалрак коштеш. Сандене ола кӧргыштӧ калыкым шупшыктымо йодыш ончыко лектеш, поснак троллейбус транспорт шотышто ойлем, - каласен республикым вуйлатыше. Мэрын мутшо почеш кызыт пассжир транспортын схемыже ямдылалтеш, тудо калыклан йӧнан лийшаш. Транспорт министерстве кызыт тиде йодыш дене чолган пашам ышта. Троллейбус транспорт предприятий кызыт йол ӱмбалне пеҥгыдын шога. Кызыт 10 у троллейбусым кондаш тӱҥалме. Шымытшым кондымо, кумытшо Минск гыч корныш лектын. Кызытсе троллейбус- влаклан 30-40 ий шуын. Моско гыч кондымо кучылтмо троллейбус- влак кугу полышым ыштеныт. Троллейбусым ончыкыжымат налаш тӱҥалына, - каласен республикым вуйлатыше.
Вашлиймашыште тыгак коммунал службын олтымо тургымлан ямдылалтыжым каҥашыме. Ямдылалтмаш 100 наре процентыш шуэш. Карл Маркс уремыште сетьым вашталтыме паша мучашыш лишемеш. Иктаж лу кече гыч паша мучашлалтшаш каласен мэр.
Вашлиймашыште тыгак коммунал службын олтымо тургымлан ямдылалтыжым каҥашыме. Ямдылалтмаш 100 наре процентыш шуэш. Карл Маркс уремыште сетьым вашталтыме паша мучашыш лишемеш. Иктаж лу кече гыч паша мучашлалтшаш каласен мэр.