Тӱссымыктыш тоштерыш яра пуртат

                Шуматкечын Тӱссымыктыш тоштерын чыла выставкыжым оксам тӱлыде ончаш лиеш. 11-ше сентябрьыште тоштерын чыла ончер проектышкыже яра пуртат. Тиде акций Россий кӱкшытан «Культурный шуматкече» проектшылан пӧлеклалтеш. Кызыт тӱс сымыктыш тоштерыште кум экспозиций пашам ышта. Тиде Сергей Бушковын «Жапын лабиринтше» лӱман ончерже, «Школ дене илыш мучко» ончер, Измаил Ефимовын произведенийжым ончыктышо выставке. Нуным 10 гыч 18 шагат марте ончаш лиеш. Тиддеч посна 13 шагатлан «МузеУМ» уш-акыл модмаш лиеш. Южо мероприятийже социал вотлаште эрта. Мутлан, 11 шагатлан тӱвыра да сымыктыш пашаеҥ- влак дене вашлияш лиеш.