Республикысе кучем коронаивруслан шарлаш чаракым ыштыме комплексный мера- влакым пеҥгыдемда
Республикысе кучем коронаивруслан шарлаш чаракым ыштыме комплексный мера- влакым пеҥгыдемда. Калыклан прививкым ыштыме йодышым республикым вуйлатыше Александр Евстифеевын эртарыме совещанийыште каҥашыме. Черланыше- влак ятыр рашемдалтыт. Пандемий тӱҥалме годсек 18 тӱжем еҥын диагнозшым пеҥгыдемден ончыктымо. Нунын кокла гыч пелыже ешыште але лишыл еҥ- влак деч черланеныт. Ӱмыр лугыч лийше- влакат шукын улыт. Сандене вакцинаций рӱдерын пашажым шуяш оксам ойыраш распоряженийым пеҥгыдемдыме. Но ме эше вакцинацийын кӱлешлыкше да обязательно ышташ кӱлмӧ нерген калыклан умылтарышаш улына, - каласен республикым вуйлатыше. Михаил Васютинын мутшо почеш, тиде пашаш юмынйула да черке вуйлатыше- влакат ушнат гын, пайдалырак лиеш ыле. Республикым вуйлатыше ешарен: эпидемий процессым саемдаш да черланыше- влакын чотыштым шагалемдаш умбакыжат кӱлешан мероприятий- влакым эртарыман. Вакцинаций полшымо дене тӱшка иммунитетым ыштен гына, йодышым виктарен колташ лиеш.