Тений тулым йӧртымаште лу тӱжем наре волонтёр шке полышыжым пуэн

                Республикыштына чодыра тулым йӧртымаште доброволец- влакын тыршымыштым каҥашыме. Йыргешке ӱстел йыр погынышо- влак ура чонан еҥ-шамычын ушнымыштым пеш кӱлешанлан шотленыт. Тений  тулым йӧртымаште лу тӱжем наре еҥ шке полышыжым пуэн. Поснак лӱдыкшӧ кечылан 19-ше август шотлалтын- тул ялла деке лишемын. Волонтёр- влак пеш кугу пашам шуктеныт, нуно чапланаш манын огыл, а шочмо кундемыште пӱртӱсым арален кодаш манын тыршеныт, - каласен МЧС виктемым вуйлатышын сомылжым шуктышо Алексей Сабадырёв. Волонтёр- влакым пукшымо йодышат ӧрдыжеш колын огыл. Кӧ йорташ миен кертын огыл гын, кочкыш сатум, медикаментым, аралалтме средствым конденыт, кочкыш сатум тӱрлым темленыт. Тышке верысе санаторий ден питаний комбинат- влакат ушненыт. Правительстве председательын алмаштышыже Александр Гречихо иктешлен: Марий Элыште чодыра лийын, уло да умбыкыжат лиеш. Эрла мо лийын кертшашым ме огына пале, но ямде лийман. Сандене волонтёр толкыным аралыман, полшыман, ешарыман да туныктен шогыман. Тиде мемнан тӱҥ задачына, манын тудо.