Марий Элыште «гараж амнистий» тӱналын

                    Марий Элыште «гараж амнистий» тӱналын. Икымше сентябрь гыч гаражлан да тудын йымалсе мландылан правам куштылгын регистрироватлыме федерал закон вийым налын. Эртыше икымше арня ончыктен: «гараж амнистий» почеш правам пеҥгыдемдыме йодыш калыкым тургыжландара. Тидын нерген Республикым вуйлатыше Александр Евстифеев дене вашлиймаште  Росреестр виктемым вуйлатыше Елена Галеева каласкален. Тиде закон ныл ий ышташ тӱналеш да 2004-ше ий марте чоҥымо гараж- влаклан правам возыктымо пашам куштылемда. Гараж- влакын кугурак ужашышт олаште верланен. Сандене кодшо арнян гараж кооператив вуйлатыше- влак дене совещанийым эртарыме. Кӱлеш лиеш гын, кооперативлашке лектын, умылтарымашым пуэн кертына, - каласен Галеева.