Марий Элым вуйлатыше Россий юстиций министерствын Марий Элысе виктемжын у вуйлатышыже дене вашлийын

            Марий Элым вуйлатыше Россий юстиций министерствын Марий Элысе виктемжын у вуйлатышыже дене вашлийын. Ведомствым республикыштына шочшо Олег Доронин вуйлаташ тӱҥалын. Александр Евстифеев тудын дене пашаче вашлиймашым эртарен у должностьыш пеҥгыдемдыме дене саламлен. Те республикыште сайын палыме, тыштак шочшо, тыштак ятыр ий пашам ыштыше еҥ улыда, Российысе ик эн сай юридический факультетым тунем пытаренда, республикысе ситуацийым сайын паледа.- каласен республикым вуйлатыше. Паша шуко. Эн ончычак муниципал виктем дене кылдалтше регионысо законодательствым саемдыме шотышто паша, конкурс процедуро- влак шотышто озанлык паша, федерал законодательстве дене келшыдымаш ынже лий манын республикысе чыла нормативный актым ме юстиций виктемыш колтена. Чыла тидым те паледа. Ме пырля пашам ышташ ямде улына, - каласен Александр Евстифеев. Палашлан: Олег Доронин юстицийын генерал-майоржо. Прокуратура органлаште 1992-шо ий гыч пашам ышташ тӱҥалын. 2006-шо ийыште Йошкар-Ола прокуратурым вуйлатен, 2007-ше ий гыч Следствий комитетын Республикысе следствий виктемжым. 2018-ше ий гыч Еврей автоном областьысе следствий виктемым вуйлатышылан ыштен.
             Фото: Марий Элым вуйлатышын организаций да аналитик виктемже.