Олам эрыктыме жап

           Йошкар-Олаште вес арнян кундемлам тӱзландарыме шошымсо месячник тӱҥалеш. 28-ше март гыч кундемлам эрыкташ лектыт. Шӱк-куштырам поген шупшыктат, изи архитектура формо- влакым чиялтат, олмыктат, светофрым, корно палым, чапкӱм, чарналтыш павильон- влакым уэмдат. Месячник 29-ше апрельыште мучашлалтшаш. Оласе тӱшка субботник- влак 8-ше, 15-ше да 22-шо апрельыште эртышаш улыт. Эрыкташлан ӱзгарым пуат, - умылтарат ола администрацийыште. Мероприятийлашке предприятий ден организацийлам ушнаш ӱжыт. Оласе калыкат ӧрдыжеш кодшаш огыл.
              Йошкар-Ола администрацийын фотожо.