Йошкар-Оласе еш- влак «Талукын ешыже» конкурсыш ушнен кертыт

              Йошкар-Оласе еш- влак «Талукын ешыже» ола кӱкшытан конкурсыш ушнен кертыт. Оласе чолга еш- влак шкешт нерген, сеҥымашышт, шумо кӱкшытышт нерген каласкалышаш улыт. Таҥасымашын ӱжмашыже: «Мыйын ешем- мыйын Россием». Конкурс вич номинаций дене эрта. «Шуко шочшан еш» номинацийыште вич да утларак икшывым куштышо (тышке ашнаш налме йочат пура) ушнен кертыт. «Самырык еш» номинацийыште икшыван, 35 ияш марте чолга илыш позицийым айлыше  еш- влак таҥасат. «Ялысе еш» номинацийыште ялыште илыше да шке кундемыштым тӱзландарымашке надырым пыштыше еш- влак, «Шӧртньӧ еш» номинацийыште 30 ий деч шагал огыл пырля илыше мужыр да молылан пример улшо еш, «Йӱлам аралыше еш» номинацийыште калыкле да тӱвыра  йӱлам аралыше еш- влак моштымашыштым ончыктат. Йодышым 64-17-88 номеран телефон дене рашемдыман.
 Фото: https://pixabay.com/ru/