Марий Элын картыжым тӱрлымӧ

            Звениговысо калык усталык пӧртын мастар ӱдырамашышт- влак Марий Элын картыжым тӱрленыт. Тудо «Российын тӱрлымӧ картыже» проектлан ышталтын. Негызыштыже маскам ушештарыше Марий кундемын контуржо. Маска лудо орнамент дене ыштыме илыш корно дене кая. Лудо финн-угор калыкын илышаважым ончыкта. Корно тӱрыштӧ кушкылым ончыктышо тӱрым тӱрлымӧ. Тидыже кундемнан пӱртӱсшӧ лиеш. Карте тӱрыштӧ республикыште илыше калык- влакын орнаментыштым пуртымо. Тиддеч посна кидмастар- влак эше ик радынам тӱрленыт. Тушто тӱҥ фигурылан маска шотлалтеш. Тидыже марий кундемын тӱп калыкшым ончыкта.
           Звениговысо калык усталык пӧртын фотожо. МариМедиа.