Баскетболисткына- влак ойыртемалтыныт

              «КЭС-Баскет» Юл кундем федерал округысо школ баскетбол лигын финалже эртен. Тудо Ижевск олаште лийын. Ӱдыр- влак коклаште сеҥышыш Киров кундемысе Слободской олан командыже лектын. Кокымшо верым Йошкар-Олан ӱдыржӧ- влак налыныт. Одо республикысе Глазов ола гыч команде кумшо лийын. А рвезе- влак коклаште Шӧртньӧ медальым Татарстанысе Кукмор район гыч сеҥен налыныт, кокымшо верыш Оренбургын Южный округшо, кумшыш, Киров кундемысе Оричевский район лектыныт. Ныл кече жапыште Ижевскыште регионлаште сеҥыше 24 команде таҥасен. Ойырен налме йыжыҥ- влак 68 регионышто эртеныт. ПФО-н финалыштыже сеҥыше да призёр- влак Угарман олаште суперфиналыште модаш тӱналыт.
                 Полномочный представительын пресс-службыжын фотожо.